दोडामार्ग सासोलीत भरधाव आयशर टेम्पोची घराच्या शेडला धडक
konkansamwad
Jul 8, 2025 11:09
160
0
दोडामार्ग
भरधाव आलेल्या कॅन्टरने दोडामार्ग येथील सासोली गावचे सरपंच बळीराम शेट्ये यांच्या घराच्या पत्र्याच्या शेडला धडक दिली. या अपघातात पत्र्याच्या शेडसह घरासमोर उभी असलेली ओमनी गाडीचे नुकसान झाले आहे. सुदैवाने कोणतीही जीवितहानी झाली नाही मात्र सासोलीचे सरपंच बळीराम शेट्ये यांच्या पत्नी किरकोळ जखमी झाल्या आहेत.याबाबत अधिक माहिती अशी की, आयशर कॅन्टर सासोली येथील वळणावर आला असता चालकाचे गाडीवरील नियंत्रण सुटले. त्यामुळे गाडी थेट सरपंच शेट्ये यांच्या घराच्या अंगणात शिरली. धडकेमुळे पत्र्याची शेड पूर्णपणे तुटून पडली तर शेट्ये यांच्या पत्नी किरकोळ जखमी झाल्या असून, त्यांच्या हातावर घराची कौले पडल्याने त्यांना दुखापत झाली आहे. अंगणात उभ्या असलेल्या ओमनी गाडीलाही धडक बसल्याने तिचे मोठे नुकसान झाले आहे.
