विजयराव नाईक कॉलेज ऑफ फार्मसीत ‘दुर्गोत्सव’ साजरा
konkansamwad
Oct 19, 2025 02:09
141
0
कणकवली
छत्रपती शिवाजी महाराजांच्या १२ गडकिल्ल्यांना युनेस्कोकडून जागतिक वारसा स्थळाचा दर्जा मिळाल्याच्या पार्श्वभूमीवर विजयराव नाईक कॉलेज ऑफ फार्मसीत ‘दुर्गोत्सव २०२५’ साजरा करण्यात आला. विद्यार्थ्यांनी सिंधुदुर्ग, रायगड, प्रतापगड, शिवनेरी आदी १२ गडकिल्ल्यांच्या आकर्षक प्रतिकृती साकारल्या.
या उपक्रमाचे उद्घाटन उद्योजक अजित राणे यांच्या हस्ते, माजी आमदार वैभव नाईक यांच्या प्रमुख उपस्थितीत झाले.वैभव नाईक यांनी विद्यार्थ्यांच्या कल्पकतेचे व कलागुणांचे कौतुक केले. कार्यक्रमाला प्राचार्य डॉ. राजेश जगताप, प्रा. मंदार सावंत आदी मान्यवर उपस्थित होते.
