राष्ट्रीय पुरस्कार मिळाल्याबद्दल सामाजिक कार्यकर्ते बबली राणे यांचा सत्कार.
konkansamwad
Dec 22, 2023 06:03
313
0
कणकवली.
बेळगाव येथे सामाजिक कार्यकर्ते बबली राणे यांना राष्ट्रीय पुरस्कार मिळाल्याबद्दल ओसरगाव जिल्हा परिषद शाळा क्र. १ व राजे प्रतिष्ठान यांच्या वतीने जाहीर सत्कार करण्यात आला.यावेळी कवी अजय कांडर यांच्या शुभहस्ते सत्कार करण्यात आला.याप्रसंगी श्री.राणे यांना उपस्थित मान्यवर शिक्षक वृंद व साहित्यिक, लेखक, कवी यांनी शुभेच्छा दिल्या.
गेली पंचवीस वर्ष सामाजिक, धार्मिक, क्रीडा, आरोग्य, शैक्षणिक, राजकीय वेगवेगळ्या क्षेत्रात व विशेषता अपघातग्रस्तांना अहोरात्र मदत करत असल्यामुळे कर्नाटकचे माजी मुख्यमंत्री वीरप्पा मोईली यांच्या शुभहस्ते २८ ऑक्टोबरला बेळगाव येथे राष्ट्रीय पुरस्कार प्रदान करण्यात आला. त्यानिमित्ताने ओसरगाव जिल्हा परिषद शाळा क्र.१ व राजे प्रतिष्ठान यांच्या वतीने जाहीर सत्कार करण्यात आला.
सत्कार प्रसंगी बबली राणे यांनी सर्वांचे आभार मानले. २५ वर्षे केलेल्या कामाचे कुठेतरी पोचपावती मिळाल्याचे त्यांनी स्पष्ट केले.जिल्हा पोलीस मुख्यालयातून शिफारस करण्यात आली होती. याही पुढे चांगलं काम करणार असल्याची भावना बबली राणे यांनी व्यक्त केली.
