कुडाळ येथे नरकासुर वध स्पर्धेत लक्ष्मीवाडी मित्र मंडळ प्रथम

कुडाळ           

   आमदार निलेश राणे पुरस्कृत कुडाळ शहर शिवसेनेच्या वतीने आयोजित जिल्हास्तरीय नरकासुर वध स्पर्धेत लक्ष्मीवाडी मित्र मंडळाने प्रथम क्रमांक मिळविला. द्वितीय नेरूर येथील कलेश्वर मित्र मंडळ तर तृतीय क्रमांक सावंत प्रभाकर मित्र मंडळ यांनी मिळवला. या स्पर्धेत १७ स्पर्धक सहभागी झाले होते. या स्पर्धेचा शुभारंभ आमदार निलेश राणे यांच्या उपस्थितीत जिल्हाप्रमुख दत्ता सामंत यांच्या हस्ते झाला. यावेळी माजी आमदार राजन तेली, उपनेते संजय आंग्रे, माजी जिल्हा परिषद अध्यक्ष संजय पडते, महिला जिल्हाप्रमुख दीपलक्ष्मी पडते, जिल्हा सरचिटणीस दादा साईल, उपजिल्हाप्रमुख अरविंद करलकर, ओंकार तेली, कुडाळ तालुका प्रमुख विनायक राणे, दीपक नारकर, मालवणचे राजा गावडे, कुडाळ शहर प्रमुख अभी गावडे, महिला शहर प्रमुख श्रुती वर्दम, नगराध्यक्ष प्राजक्ता बांदेकर, गटनेता विलास कुडाळकर, नगरसेवक राजीव कुडाळकर, नगरसेविका नयना मांजरेकर, चांदणी कांबळी, तालुका सरचिटणीस राकेश कांदे, प्रवक्ता रत्नाकर जोशी, युवा शहरप्रमुख आबा धडाम, चेतन पडते, देवेंद्र नाईक, अनिकेत तेंडोलकर, रेवती राणे, राकेश नेमळेकर आदी उपस्थित होते.दरम्यान प्रथम, द्वितीय, तृतीय क्रमांक प्राप्त स्पर्धेकांना अनुक्रमे रोख रुपये ३३ हजार ३३३, २२ हजार २२२ आणि ११ हजार १११ मान्यवरांच्या हस्ते देण्यात आले. तर उत्तेजनार्थ भैरव जोगेश्वरी मित्र मंडळ, बाजारपेठ मित्र मंडळ यांनी मिळवला. त्यांना प्रत्येकी ५ हजार ५५५ रुपये देण्यात आले. तसेच स्पर्धेतील सर्व सहभागी स्पर्धकांना सन्मानचिन्ह देण्यात आले. स्पर्धेचा प्रतिसाद पाहता कुडाळ शहर प्रमुख अभी गावडे यांनी पुढील वर्षी ही स्पर्धा ५५ हजार ५५५ असेल असे घोषित केले. स्पर्धेचे सूत्रसंचालन नागेश नेमळेकर यांनी केले.